မြန်မာနိုင်ငံအတွင်းရှိ စစ်ရေးပဋိပက္ခဖြစ်စဉ်များနှင့် ငြိမ်းချမ်းရေးလုပ်ငန်းစဉ်များအတွင်း တွေ့ရှိရသည့် တိုင်းရင်းသားလက်နက်ကိုင်တော်လှန်ရေးအဖွဲ့များ (EROs) အကြောင်း လက်လှမ်းမီသမျှ ရွေးထုတ်တင်ပြထားခြင်းဖြစ်သည်။ ERO များ၏ ဖြစ်တည်မှုနှင့် ဦးတည်ရာများကို အချက်အလက်များ၊ ဖြစ်စဉ်ဖြစ်ရပ်များအပေါ် အခြေပြုကာ နှစ်အလိုက် တွေ့ရှိရသည့် ဖြစ်တည်မှုနှင့် ဦးတည်ရာများကို လေ့လာနိုင်ဖို့အတွက် ရည်ရွယ်တင်ပြထားခြင်းဖြစ်သည်။

စစ်အာဏာသိမ်းကာလ (၄) နှစ်ကျော် (၅) နှစ်အတွင်း ရောက်ရှိလာသည်နှင့်အမျှ အာဏသိမ်းစစ်အုပ်စု အပြောင်းအလဲများ၊ တော်လှန်ရေးအင်အားစုများ၏ စုဖွဲ့မှု၊ ဦးစားပေးလှုပ်ရှားမှုနှင့် ဦးတည်ရာ အရွေ့အပြောင်းများသည် ထူးခြားမှုများစွာ ရှိလာခဲ့ပါသည်။ အထူးသဖြင့် အာဏာသိမ်းစစ်အုပ်စုသည် ၎င်းတို့၏ မအောင်မြင်သော စစ်အာဏာသိမ်းမှုကို ရွေးကောက်ပွဲအသစ်တရပ် မဖြစ်မနေပြုလုပ်ကာ ထွက်ပေါက်ရှာနေသည်ဟု ဆိုရပါမည်။ တော်လှန်ရေးအင်အားစုများဘက်ကမူ အနှီစစ်အုပ်စု၏ ထွက်ပေါက်တိုင်းကို ပိတ်ဆို့ဟန့်တားနိုင်ရေး လှုပ်ရှားနေကြရင်း နွေဦးတော်လှန်ရေး၏ ဦးတည်ချက်များဖြစ်သော စစ်အာဏာရှင်စနစ်အပါအဝင် အာဏာရှင်စနစ်မှန်သမျှ ချုပ်ငြိမ်းရေးနှင့် ဖက်ဒရယ်ဒီမိုကရေစီပြည်ထောင်စု တည်ဆောက်ရေးဆီသို့ အရွေ့အတွန်းများ အရှိန်မြှင့်လုပ်ဆောင်နေကြသည်ကို တွေ့ရပါသည်။ ဖော်ပြပါရွေးထုတ်တင်ပြထားသည့် ဇာတ်ကောင်များသည် ၂၀၂၄ -၂၀၂၅ ခုနှစ်များအတွင်း ထူးခြားသော အရွေ့အပြောင်းများရှိခဲ့သည့် ဇာတ်ကောင်များဖြစ်ပါသည်။

ဇွတ်အဲန်စီအေနှင့် ဝေဝါးနေဆဲ ငြိမ်းချမ်းရေးလမ်း အာဏာသိမ်းစစ်အုပ်စုနှင့် နွေဦးတော်လှန်ရေးတွင် ပါဝင်မလာသော အပစ်ရပ်လက်မှတ် ရေးထိုးထားသည့် တိုင်းရင်းသားလက်နက်ကိုင်တော်လှန်ရေးအဖွဲ့ (၇) ဖွဲ့တို့သည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ကို ဆက်လက်ဖက်တွယ်ထားဆဲဖြစ်ပြီး လမ်းဆုံးနေသည့်ငြိမ်းချမ်းရေးလုပ်ငန်းစဉ်အတွက် မျှော်လင့်ချက်ရှိနေကြဆဲဖြစ်ပါသည်။ သို့သော် တိုင်းရင်းသားလက်နက်ကိုင်တော်လှန်ရေးအဖွဲ့ (၃) ဖွဲ့ကမူ NCA အပေါ် သဘောထားကွဲလွဲခဲ့ကြပြီး နွေဦးတော်လှန်ရေးဘက် ရပ်တည်လာသည့်အုပ်စုနှင့် စစ်အုပ်စုဘက် လက်ချင်းချိတ်သည့်အုပ်စုဟူ၍ ကွဲထွက်သွားခဲ့ကြပါသည်။ (ဆက်ရန်…)

ဩဂုတ်လအတွက် မြန်မာနိုင်ငံရှိ တိုက်ပွဲဖြစ်ပွားမှုအခြေအနေ အချက်အလက်ပြ လစဉ်ဒက်ရှ်ဘုတ် ထွက်ရှိလာပြီဖြစ်ပါတယ်။ ဒီကာလအတွင်း အခြေအနေတွေဟာ စောင့်ကြည့်လေ့လာဖို့ အလွန်ကောင်းမွန်ပြီး ‌သက်ဆိုင်ရာ တာဝန်ရှိသူတွေအနေနဲ့ အလေးအနက်ထားစဉ်းစားဖို့ လိုအပ်နေပါတယ်။ ဒီအတွက် ကျနော်တို့ တတ်နိုင်သမျှ ရှုထောင့်စုံကနေ တင်ပြထားပါတယ်။