ဦးကို ဧပြီလ ၅ ရက်နေ့က တပ်မတော် ကဖမ်းဆီးသွားသည်ဟု ကျေးရွာအုပ်ချုပ်ရေးမှူး ဦးဝင်းမြင့်က ပြောသည်။){kind=link}
၇ ဧပြီ ၂၀၂၀
ရခိုင်ပြည်နယ်၊တောင်ကုတ်မြို့နယ်၊ ဆားပြင်ကျေးရွာမှ ဒေသခံ(၅)ဦးကို ဧပြီလ ၅ ရက်နေ့က တပ်မတော် ကဖမ်းဆီးသွားသည်ဟု ကျေးရွာအုပ်ချုပ်ရေးမှူး ဦးဝင်းမြင့်က ပြောသည်။
ဖမ်းဆီးခံရသူ ဦးသန်းနိုင်မှာ လယ်ယာလုပ်ငန်းလုပ်ကိုင်ပြီး ဦးလှဖြူ မှာ လက်ဖက်ရည်ဆိုင်ရောင်းသည်။ ဦးအောင်ထူး မှာ ရေဒီယိုပြုပြင်ခြင်းလုပ်ငန်းလုပ်ကိုင်ပြီး ဦးမြင့်အောင်မှာ ကုန်စုံဆိုင်ရောင်းကာ ဦးပြုံးချို မှာ ဓာတ်ပုံရိုက်ကူးရေးလုပ်ငန်းလုပ်ေနသူဖြစ်သည်ဟု ကျေးရွာအုပ်ချုပ်ရေးမှူးက ပြောသည်။
“ မနေ့က ၁၁ နာရီလောက်မှာ ရဲတွေနဲ့ စစ်သားတွေက ရွာထဲဝင်လာတယ်။ ပြီးတော့ သူတွေကိုခေါ်ပြီးတော့ စစ်တယ်။ သူတို့ကို စစ်တဲ့နေရာကို ဘယ်သူမှ မသွားရဘူး။ ညနေ ၃ နာရီကျော်တော့ သူတို့ကို ဗျုဟာမှူးက တွေ့ချင်တယ်လို့ပြောတယ်။ သူတို့ကို ခေါ်သွားချင်တယ်လို့ပြောတယ်။ ကျွန်တော်က ဖမ်းတာလားလို့မေးတော့ သူတို့က မဖမ်းဘူးလိုပြောတယ်။ လူကြီးနဲ့တွေ့ပြီးရင် ပြန်လွတ်ပေးမယ်လိုပြောတယ်။ သူတို့ကို ဘာဖြစ်လို့ဖမ်း သွားလဲဆိုတာ ကျွန်တော်လည်းမသိဘူး”ဟု ၎င်းကဆိုသည်။
၎င်းတို့ကို AA နှင့် ပတ်သက်ဆက်နွှယ်သူများဟုဆိုကာ တပ်မတော်ကဖမ်းဆီးခဲ့ပြီး သက်ဆိုင်ရာ နယ်မြေရဲစခန်းသို့ လွှဲပြောင်းပေးခဲ့ကာ အသေးစိတ် စစ်ဆေးမေးမြန်းခြင်းများ ဆက်လက်ဆောင် ရွက်လျက်ရှိသည်ဟု တပ်မတော်က သတင်းထုတ်ပြန်ထားသည်။
DMG – ပေးပို့သည်။