“NCA ထိုးဖို့စဉ်းစားပါ။ အမြန်ဆုံးထိုးနိုင်လေ ငြိမ်းချမ်းရေးဖြစ်စဉ် တိုးတက်မှုကလည်း မြန်ဆန်လိမ့်မယ်ဆိုတဲ့ သဘောမျိုးပဲ တပ်မတော်ဖက်က တင်ပြတာ ရှိပါတယ်” ခူးဦးရယ် (KNPP၊ ဒု ဥက္ကဌ)

ကရင်နီအမျိုးသားတိုးတက်ရေးပါတီ(KNPP) ဒုဥက္ကဌ ခူးဦးရယ်နှင့် တွေ့ဆုံခြင်း ၁၈ ဒီဇင်ဘာ ၂၀၂၀ ငြိမ်းချမ်းရေး လုပ်ငန်းစဉ် ရှေ့ဆက်နိုင်ရန်အတွက် ယခုလ အစောပိုင်းက ကရင်နီအမျိုးသား တိုးတက်ရေး ပါတီ KNPP မှ ကိုယ်စားလှယ် တစ်ချို့ နှင့် တပ်မတော်က တွေ့ဆုံညှိနှိုင်းရေး အဖွဲ့တို့ လူချင်းတွေ့ဆုံမှုတွေ လုပ်ဆောင်ခဲ့သလို နို၀င်ဘာလ ၇ ရက်နေ့ကလည်း အစိုးရနှင့် KNPP တို့ အွန်လိုင်းတွေ့ဆုံမှုတွေ လုပ်ခဲ့ ကြတယ်လို့ KNPP က ပြောပါတယ်။ KNPP နှင့် တပ်မတော်တို့တွေ့ဆုံစဉ်က ဘာတွေဆွေးနွေးခဲ့ကြသလဲ၊ အစိုးရနှင့် တွေ့ဆုံခဲ့သည့် အွန်လိုင်း တွေ့ဆုံမှုမှာရော ဘာတွေဆွေးနွေးခဲ့ကြသလဲ စတာတွေကို KNPP ဒု-ဥက္ကဋ္ဌ ခူးဦးရယ်ကို တွေ့ဆုံမေးမြန်းထားပါတယ်။ မေး – ဒီဇင်ဘာလ ၇ […]


“အစိုးရနဲ့ တပ်မတော်နဲ့ တစ်ဖက်ဖက်က အလေးသာတဲ့ ပုံစံမျိုးထက် တပ်မတော်နဲ့အစိုးရနဲ့က သေချာညှိနှိုင်းပြီးတော့မှ အစိုးရဆိုတဲ့ ကိုယ်စားပြုမှုတစ်ခုခုကို သေသေချာချာလေးလုပ်ပြီး ဒီတိုင်းရင်းသားလက်နက်ကိုင်တွေနဲ့ ဆွေးနွေးနိုင်မယ်ဆိုရင်တော့ ပိုကောင်းပါတယ်” ခူပလုရယ် (ငြိမ်းချမ်းရေးလေ့လာသုံးသပ်သူ)

ကယားပြည်နယ် ငြိမ်းချမ်းရေးဖြစ်စဉ် လေ့လာသုံးသပ်သူ ခူပလုရယ်နှင့် တွေ့ဆုံမေးမြန်းခြင်း ၁၇ ဒီဇင်ဘာ ၂၀၂၀ ကရင်နီအမျိုးသားတိုးတက်ရေးပါတီ (KNPP)နှင့် မြန်မာ့တပ်မတော်တို့ ၂၀၁၂ခုနှစ် အပစ်အခတ်ရပ်စဲရေးစာချုပ်ချုပ်ဆိုပြီးတဲ့နောက်မှာ ၂၀၁၀-၂၀၁၅ ကနေ ၂၀၁၅-၂၀၂၀အထိ ပစ်ခတ်မှု (၄)ကြိမ် ဖြစ်ပွားခဲ့ပါတယ်။ ကရင်နီအမျိုးသားတိုးတက်ရေးပါတီ(KNPP) နဲ့ တပ်မတော်ရဲ့ ငြိမ်းချမ်းရေးဆွေးနွေးပွဲတွေမှာ အစိုးရဘက်က ဦးဆောင်ပါဝင်ဆွေးနွေးနိုင်တဲ့ အနေအထားက အားနည်းနေတယ်လို့ ကယားပြည်နယ် ငြိမ်းချမ်းရေးဖြစ်စဉ် လေ့လာသုံးသပ်သူ ခူပလုရယ်က ပြောပါတယ်။ ခူပလုရယ်ဟာ ၂၀၁၂ခုနှစ် ကရင်နီအမျိုးသားတိုးတက်ရေးပါတီ (KNPP)နဲ့ မြန်မာတပ်မတော်တို့အကြား အပစ်အခက်ရပ်စဲရေး စာချုပ်ကို မချုပ်ဆိုခင် အချိန်ကတည်းက ပြည်နယ်ရဲ့ ငြိမ်းချမ်းရေးကိစ္စတွေမှာ ထဲထဲ၀င်၀င်ပါ၀င်လှုပ်ရှားခဲ့ဖူးသူတစ်ဦးလည်း ဖြစ်ပါတယ်။ ခူပလုရယ်ကို တွေ့ဆုံမေးမြန်းခဲ့တဲ့ အထဲက တချို့ကို ကောက်နုတ်ဖော်ပြပေး လိုက်ပါတယ်။ မေး။ ။ ၂၀၁၅-၂၀၂၀ လက်ရှိအစိုးရလက်ထက်မှာ […]


“လက်တွေ့ကျကျ တိုင်းပြည်ပြုပြင်ပြောင်းလဲရေးတွေကို လုပ်နိုင်ဖို့ဆိုတဲ့ စုဆုံမှတ်ဟာ နိုင်ငံရေးဆွေးနွေးပွဲပဲ ရှိပါတယ်။ ဒီစုဆုံမှတ်မှာ ပါဝင်တဲ့ အဓိကဆုံးဖြတ်တဲ့ ကာယကံရှင်တွေကြားမှာ အမြင်နီးစပ်လေ ကောင်းလေပဲ” ရဲဘော်သံခဲ (ABSDF ဥက္ကဌ)

မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (မကဒတ-ABSDF) ဥက္ကဌနှင့် အမေးအဖြေ ၁၆ ဒီဇင်ဘာ ၂၀၂၀ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (မကဒတ-ABSDF) ဗဟိုကော်မတီစုံညီ အစည်းအဝေးအား ၂၀၂၀ ခုနှစ် ဒီဇင်ဘာ ၇ မှ ၉ ထိကျင်းပခဲ့ပြီး လက်ရှိ ကိုဗစ်-၁၉ ကူးစက်ရောဂါကြောင့် တစ်နိုင်ငံလုံး လူမှုအထွေထွေအကျပ်အတည်းများ ရင်ဆိုင်နေရချိန်တွင် တင်းမာနေသော လက်နက်ကိုင် ပဋိပက္ခများရပ်တန့်နိုင်ရေး အစိုးရ၊ တပ်မတော်နှင့် သက်ဆိုင်ရာတိုင်းရင်းသား လက်နက်ကိုင်တော်လှန်ရေး အဖွဲ့အစည်းများ EAOs အကြား အမြန်ဆုံးတွေ့ဆုံညှိနှိုင်းအဖြေရှာကြရန် မြန်မာနိုင်ငံလုံးဆိုင်ရာကျောင်းသား များဒီမိုကရက်တစ်တပ်ဦး ABSDF က ပြီးခဲ့သည့်ဒီဇင်ဘာ ၁၀ ရက်နေ့တွင် ကြေငြာချက်ထုတ်ပြန်ခဲ့သည်။ ABSDF သည် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)ကို လက်မှတ်ရေးထိုးထားသည့် အဖွဲ့ဖြစ်သည်။ ABSDF ဗဟိုကော်မတီစုံညီအစည်းအဝေးမှ ထွက်ပေါ်လာသော သဘောထာများ အပေါ် ABSDF ဥက္ကဌ […]


“ဆွေးနွေးလာတဲ့အချိန် အထူးသဖြင့် အပစ်ခတ်ရပ်စဲရေးနဲ့ ပတ်သက်တဲ့ ကိစ္စတွေမှာ တပ်ရဲ့ သဘောထား မပါဘဲနဲ့ ဒီအစိုးရ ဘာမှ လုပ်လို့မရဘူး။ ကျော်လို့မရဘူး။ အဲလိုမျိုးပဲ သွားတွေ့ရတယ်” မိုင်းအိုက်ကျော် (PSLF/TNLA)

PSLF/TNLA သတင်းနှင့် ပြန်ကြားရေးတာဝန်ခံ ဗိုလ်မှူးမိုင်းအိုက်ကျော်နှင့် ဆက်သွယ်မေးမြန်းချက် ၁၅ ဒီဇင်ဘာ ၂၀၂၀ ရှမ်းပြည်နယ်မြောက်ပိုင်းမှာ တိုင်းရင်းသားလက်နက်ကိုင်အဖွဲ့တွေအကြား အခုလထဲမှာပဲ တိုက်ပွဲတွေ ဆက် တိုက်ဖြစ်လာနေပါတယ်။ ဒီဇင်ဘာလ ၅ ရက်နေ့ က သီပေါမြို့နယ်ထဲမှာ RCSS နဲ့ ရှမ်းပြည်တိုးတက်ရေးပါတီ SSPP တို့ တိုက်ပွဲ ဖြစ်ပွား ခဲ့ပြီး ဒီဇင်ဘာလ ၇ ရက်နေ့ ကနေ ဒီနေ့အချိန်အထိ နမ္မတူမြို့နယ်ထဲမှာ RCSS နဲ့ တအန်း (ပလောင်) အမျိုး သား လွတ်မြောက်ရေး တပ်မတော် TNLA၊ ရှမ်းပြည်တိုးတက်ရေးပါတီ SSPP တို့ အကြား တို်က်ပွဲတွေဖြစ်ပွား နေပါတယ်။ ဘာ့ကြောင့် ဒီတိုက်ပွဲတွေဖြစ်လာရတာလဲ၊ တို်က်ပွဲတွေရဲ့ တဖက်မှာ လုပ်ဆောင်နေတဲ့ ငြိမ်းချမ်းရေးဆွေးနွေးမှု တွေက […]


“အဓိက ရှေ့မတိုးနိုင်တာက တပ်မတော်ဘက်က ၂၀၀၈ ဖွဲ့စည်းပုံကို ကိုင်ထားတယ်၊ နောက်တပ်ဖက်မှာလည်း အာဏာကို မစွန့်လွှတ်ချင်ဘူး၊ နောက်တစ်ခုရှိသေးတာက တပ်မတော်ရဲ့ ငြိမ်းချမ်းရေးမူ ၆ ရပ် ဆိုပြီးတော့ သူတို့ချမှတ်ထားတယ်” နိုင်ဟံသာ (ဥက္ကဌ ၊ မွန်ပြည်သစ်ပါတီ)

မွန်ပြည်သစ်ပါတီ ဥက္ကဌ နိုင်ဟံသာနှင့်‌ တွေ့ဆုံမေးမြန်းခြင်း ဒီဇင်ဘာ ၁၀ရက်၊ ၂၀၂ဝပြည့်နှစ်။ လာမည့် ၂၀၂၁ခုနှစ် မတ်လကုန်လျှင် အမျိုးသားဒီမိုကရေစီအဖွဲ့ချုပ်ဦးဆောင်မည့် အစိုးရသစ်တစ်ရပ်ကို မြင်တွေ့ရဖို့ ရှိနေပါသည်။ လက်ရှိအစိုးရအနေဖြင့် ငြိမ်းချမ်းရေးလုပ်ငန်းစဥ်မှ မည်သို့သော သင်ခန်းစာများရရှိနေမည်ဆိုသည်က မတွက်ဆနိုင်ပါ။ သို့သော် ၂၀၁၈ခုနှစ် ဖေဖော်ဝါရီတွင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) လက်မှတ်ရေးထိုးခဲ့သည့် မွန်ပြည်သစ်ပါတီ(NMSP)ကတော့ NCA လက်မှတ်မထိုးခင်နှင့် NCA လက်မှတ်ရေးထိုးပြီးဆိုသည့် တွေ့ဆုံဆွေးနွေးရေးသင်ခန်းစာနှင့် အတွေ့အကြုံများစွာ ရှိနေပါသည်။ မွန်ပြည်သစ်ပါတီ ဥက္ကဌ နိုင်ဟံသာနှင့် တွေ့ဆုံမေးမြန်းထားပါသည်။ မေး- AA ကအစ မြောက်ပိုင်းအင်အားစုတွေအားလုံး NCA လက်မှတ်ထိုးလာအောင် ဘယ်လိုဆောင်ရွက်သင့်ပါသလဲ။ ဖြေ -AA နဲ့ တပ်မတော် လတ်တလောတိုက်ပွဲတွေမရှိတဲ့အပေါ် ကြိုဆိုတယ်။ ခုလိုတိုက်ပွဲတွေ ခေတ္တရပ်သွားတာ ကျနော်တို့အများကြီးဝမ်းသာတယ်။ ကျနော်တို့ဖြစ်စေချင်တာ က တိုက်ပွဲတွေအားလုံးရပ်စဲသွားဖို့ နိုင်ငံရေးနည်းနဲ့ ဆွေးနွေးဖြေရှင်းစေချင်တယ်။ ဒီနေရာမှာ NCA ထိုးပြီးမှပဲ နိုင်ငံရေးဆွေးနွေးပွဲစကားဝိုင်းထဲဝင်ခွင့်ပေးမယ့် တပ်မတော်ရဲ့ ရပ်တည်ချက်က ရှိနေပါတယ်။ တစ်ဖက်က မြောက်ပိုင်းအင်အားစုတွေမှာလည်း ဒီ NCA စာချုပ်အပေါ်မှာ […]


“သူတို့ သွားချင်တဲ့ ဖက်ဒရယ်ပြည်ထောင်စုက တကယ်ပဲ တိုင်းရင်းသားတွေရဲ့ နိုင်ငံရေး နစ်နာချက်တွေ တိုင်းရင်းသားတွေရဲ့ တောင်းဆိုတဲ့ ကိုယ်ပိုင်ပြဌာန်းခွင့်နဲ့ ပတ်သက်ပြီး စိတ်ဆန္ဒရှိသလားအပေါ်မှာပဲ မူတည်ပါတယ်။ ညီညွှတ်ရေးလုပ်တာက ဟန်ပြဖြစ်ရင်လည်း ဖြစ်လာနိုင်တယ်” စောကျော်စွာ (ကရင့်ရေးရာကော်မတီ)

ကရင့်ရေးရာကော်မတီ အတွင်းရေးမှူး စောကျော်စွာနှင့် အမေးအဖြေ ၁၁ ဒီဇင်ဘာ ၂၀၂၀ ၂၀၂၀ ခုနှစ် အထွေထွေ ရွေးကောက်ပွဲကြီးတွင် အစိုးရဖွဲ့နိုင်သည့် အနေအထားရောက်အောင် အနိုင်ရရှိ ထား သည့် အမျိုးသား ဒီမိုကရေစီ အဖွဲ့ချုပ် NLD ပါတီက ၂၀၁၅ က အစိုးရ ဖွဲ့သကဲ့သို့ တစ်ပါတီတည်းကို အခြေပြုသည့် အစိုးရ ဖွဲ့ စည်းမည်မဟုတ်ဘဲ တိုင်းရင်းသား ပါတီများနှင့် အမျိုးသား ညီညွှတ်ရေး အစိုးရ ဖွဲ့သွားမည်ဟု တရားဝင် ထုတ်ဖော် ပြောဆိုထားသည်။ NLD ပါတီက ဖွဲ့မည့် အမျိုးသား ညီညွှတ်ရေးအစိုးရက အမျိုးသား ပြန်လည်သင့်မြတ်ရေးနှင့် အမျိုးသား ရင်ကြာ စေ့ ရေးကို အထောက်အကူပြုနိုင်ပါသလား၊ ဒီညီညွှတ်ရေး အစိုးရက ဒီမိုကရေစီနှင့် ဖက်ဒရယ် […]


“ပစ်ကြခိုက်ကြဆိုတော့ ကြည့်လိုက်ရင် ဘာမှ အဓိပ္ပာယ်မရှိဘူး။ သေတာက ကျနော်တို့ပြည်နယ်သား အချင်းချင်းပဲ သေတယ်။ ပြန်ကြည့်တဲ့အခါ ဘာမှ အကျိုးမရှိဘူး” ဦးရီးချက် (ဥက္ကဌ – KNSO)

ပြည်သူ့စစ်အသွင်ပြောင်း KNSO ဥက္ကဌ ဦးရီးချက်နှင့် တွေ့ဆုံခြင်း ၈ ဒီဇင်ဘာ ၂၀၂၀ ကရင်နီ အမျိုးသား သွေးစည်းညီညွတ်ရေး အဖွဲ့ (KNSO) ခေါ် ကြယ်ဖြူအဖွဲ့ဟာဆိုရင် ကရင်နီအမျိုးသားတိုးတက်ရေးပါတီ KNPP ကနေ ခွဲထွက်ပြီး စစ်အစိုးရလက်ထက်မှာ ငြိမ်းချမ်းရေးယူပြီး ပြည်သူ့စစ်အဖြစ် အသွင်ပြောင်းထားတဲ့အဖွဲ့ဖြစ်ပါတယ်။ KNSO ခေါ် ကြယ်ဖြူ ဥက္ကဌ ဦးရီးချက်ကို ၎င်းတို့အဖွဲ့ရဲ့ ပြည်နယ်အရေး လှုပ်ရှားမှုအခြေအနေ၊ ငြိမ်းချမ်းရေးလုပ်ငန်းစဉ်အပေါ်မှာ ဆောင်ရွက်ချက် သဘောထားအမြင်တွေဘယ်လိုရှိလဲဆိုတာနဲ့ပတ်သက်လို့ တွေ့ဆုံမေးမြန်းထားပါတယ်။ မေး ။KNSO အဖွဲ့ရဲ့ နောက်ခံအကြောင်း နည်းနည်းရှင်းပြပေးပါ။ ဖြေ ။ ကျနော်တို့KNSO ဖွဲ့စည်းတာ ၁၈ နှစ်တောင်ဝင်သွားပြီ။ ကျနော်တို့ ၂၀၀၂ ခုနှစ်နိုဝင်ဘာလ ၉ ရက်နေ့ကနေစပြီးတော့မှ ငြိမ်းချမ်းရေးရယူပြီးတော့မှ ပြန်လည်ဖွဲ့စည်းတာဖြစ်ပါတယ်။ ကျနော်တို့ကတော့ ပြည်သူ့စစ်ပဲ […]


“တပ်မတော်ထဲမှာ စစ်ဦးစီးချူပ်အဖြစ် ၁၀နှစ်၊ အခြားအဆင့်တွေအနေနဲ့ နှစ် ၄၀ တာဝန်ထမ်းဆောင်ခဲ့ ပြီဖြစ်တဲ့အတွက် စီးပွားရေး၊ နိုင်ငံရေးကဏ္ဍတွေမှာ ဘာ အရင်လုပ်ဆောင်ရမယ်ဆိုတဲ့အကြောင်း ထည့်ဆွေးနွေးခဲ့တာတွေကိုကြည့်ရင် ဆက်ပြီး တာဝန်ထမ်းဆောင်လိုစိတ် ရှိသေးတယ်လို့ ကျနော်အနေနဲ့ သုံးသပ်မိတယ်” Rev. Dr. Hkalam Samson (ဥက္ကဌ၊ KBC)

Photo: www.seniorgeneralminaunghlaing.com KBC ဥက္ကဌ Rev. Dr. Hkalam Samsonနှင့် အမေးအဖြေ ၃ ဒီဇင်ဘာ ၂၀၂၀ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် ကချင်နှစ်ခြင်းခရစ်ယာန်အဖွဲ့ချုပ်(KBC) တို့သည် ဒီဇင်ဘာလ ၁ရက်နေ့ မြစ်ကြီးနားမြို့တွင် တွေ့ဆုံခဲ့ကြသည်။ မြစ်ဆုံရေကာတာစီမံကိန်းအကြောင်း၊ ကိုရိုနာဗိုင်းရပ်ကာကွယ်ရေးနှင့် ငြိမ်းချမ်းရေးနှင့်ပတ်သက်သော အကြောင်းအရာများကို ဆွေးနွေးခဲ့ကြောင်း သိရပါသည်။ KBC ဥက္ကဌ Rev. Dr. Hkalam Samson ကတော့ ကချင်စစ်ဘေးရှောင်များ နေရပ်ပြန်နိုင်ရေးအတွက် အကျိုးအမြတ်တစ်ခု ယခုတွေ့ဆုံပွဲမှ ရရှိလိမ့်မည်ဟု ပြောဆိုပါသည်။ KBC ဥက္ကဌနှင့် ယခုလိုဆက်သွယ်မေးမြန်းထားပါသည်။ မေး – တပ်မတော်ကာကွယ်ရေးဦးစီးချူပ် ဗိုလ်ချူပ်မှူးကြီး မင်းအောင်လှိုင် နှင့် KBC တွေ့ဆုံဖြစ်တဲ့အကြောင်း ပြောပြပါ။ ဖြေ – ဟုတ်တယ်။ မနေ့ […]


Do NOT follow this link or you will be banned from the site!