အရပ်သားပြည်သူများ စစ်ဒဏ်သင့်နေရမှုအပေါ် သူတို့ ဘယ်လိုမြင်ကြသလဲ

၂၉ ဧပြီ ၂၀၂၀ ရခိုင်ပြည်နယ်နှင့် ချင်းပြည်နယ်အတွင်း အစိုးရတပ်မတော်နှင့် ရက္ခိုင့်တပ်တော် AA တို့ တိုက်ပွဲကြောင့် ပြည်သူများ၏ အသက်ဆုံးရှုံးမှုများဖြစ်ပေါ်နေသောကြောင့် စစ်ပွဲရပ်တန့်ရန် လိုအပ်ကြောင်း ကချင်လူထုဘက်မှလည်း ပြောဆိုနေကြသည်။ Covid-19 ကူးစက်ရောဂါကို ကာကွယ်တိုက်ဖျက်နေချိန် ပြည်တွင်းစစ်အားလုံးကို ရပ်တန့်ဖို့ ကုလသမဂ္ဂဘက်မှ ကြေငြာထားသည်နှင့် အညီ မြန်မာပြည်အနောက်ဘက်တွင်ဖြစ်ပွားနေသော အစိုးရမှ အင်တာနက်ဖြတ်တောက်မှုနှင့် တပ်မတော်၏ ထိုးစစ်ဆင်မှုများကို ရပ်တန့်ရန် ကချင်အမျိုးသားအတိုင်ပင်ခံအဖွဲ့မှလည်း ဧပြီ ၂၅ ရက်နေ့တွင် သဘောထားထုတ်ပြန်ခဲ့သည်။ စစ်ပွဲများကြောင့် မြေစာပင်ဖြစ်ခဲ့ရသော အရပ်သားပြည်သူများ၏ အသက်ဆုံးရှုံးနေရမှုများ ၊ နေရပ်စွန့်ခွာ ထွက်ပြေးတိမ်းရှောင်နေရမှုများ စသည့် စစ်ဒဏ်ခံနေရများအပေါ် ကချင်တိုင်းရင်းသာအချို့၏ သဘောထားအမြင်များအား စုစည်းတင်ပြအပ်ပါသည်။ ကိုလွမ်းဇောင်း (ကချင်လူငယ်) စစ်ရေးနှင့် တိုက်ခိုက်ချေမှုန်းပြီး ဖြေရှင်းတဲ့နည်းနဲ့ အဖြေထွက်မယ်ဆို မြန်မာပြည်မှာ လွန်ခဲ့တဲ့ […]


“စစ်ပွဲက စိုးရိမ်ရတဲ့အတွက် အကူညီပေးဖို့ မသွားနိုင်တာမျိုးတွေရှိတယ်။ စစ်ပွဲနဲ့ ကိုရိုနာနဲ့ပေါင်းတော့ လုပ်ကိုင်ရတာက ပိုပြီးတော့ အခက်ခဲရှိတယ်” ကိုဇော်ဇော်ထွန်း (RECအတွင်းရေးမှူး)

ရခိုင်စစ်ဘေးရှောင်များ၏ ကိုရိုနာဗိုင်းရပ်စ် အခြေအနေများကို REC အတွင်းရေးမှူးနှင့်ဆက်သွယ်မေးမြန်းချက် ၂၉ ဧပြီလ ၂၀၂၀ ရခိုင်ပြည်နယ်တွင် တပ်မတော်နှင့်ရက္ခိုင့်တပ်တော်(AA)တို့တိုက်ပွဲကြောင့် စစ်ဘေးရှောင် တစ်သိန်းငါးသောင်း ကျော်အထိရှိလာပြီး စားဝတ်နေရေးအခက်အခဲဖြင့် စစ်ဘေးရှောင်စခန်းများတွင်ခိုလံှုနေကြရသည်။လက်ရှိတွင် မြန်မာနိုင်ငံအပါအဝင် ကမ္ဘာ့အနှံ့အပြားတွင် ကိုရိုနာဗိုင်းရပ်စ်ရောဂါဖြစ်ပွားနေပြီ သေဆုံးသူလည်းများပြားနေ သည်။ကိုရိုနာဗိုင်းရပ်စ်ရောဂါနှင့်ပတ်သက်ပြီး စစ်ဘေးရှောင်များသိရှိထားပုံ၊စစ်ဘေးရှောင်များကို အသိပညာ ပေးမှု၊အစိုးရ၏ လုပ်ဆောင်နေမှုများနှင့်ပတ်သက်ပြီး စစ်ဘေးရှောင်ကူညီရေးပြုလုပ်နေသည့် ရခိုင်တိုင်းရင်း သားမျိုးနွယ်များအစည်းအရုံး(REC)အတွင်းရေးမှူး ကိုဇော်ဇော်ထွန်းကို ဆက်သွယ်မေးမြန်းထားသည်။ မေး – ရခိုင်က စစ်ဘေးရှောင်တွေ ကိုရိုနာဗိုင်းရပ်စ်ရောဂါနဲ့ပတ်သက်ပြီး ဘယ်လိုသိထားကြလဲ။ ဖြေ – သူတို့ကတော့ အကြမ်းအားဖြင့်လောက်ပဲသိတယ်။ ဒီရောဂါက ကြောက်စရာကောင်းတယ်။ ကူးစက်မြန်တယ်။ တယောက်နဲ့တယောက် အကွာအဝေးနေဖို့လိုတယ်။ ချောင်းဆိုးတာတွေ နှာချေတာတွေက ကူးတယ်။ အဲဒီလို အကြမ်းအားဖြင့် အချက်အလက်တွေကို သိထားပြီးတော့ အသေးစိတ်အခြေအနေတွေကို မသိနိုင်ဘူး။ မြန်မာနိုင်ငံမှာက ဘယ်လောက်ကူးစက်နေပြီလဲ။ […]


“လက်နက်ကိုင်တပ်ဖွဲ့တစ်ဖွဲ့ကို ချီးကျူးတယ် ၊ ဂုဏ်ပြုတယ်ဆိုတာက တစ်ဘက်လက်နက်ကိုင်တစ်ဖွဲ့ကို ဖိနှိပ် ရာ၊ နှိပ်ကွပ်ရာရောက်တယ်” ‌ဒေါက်တာညိုညိုသင်း (ရန်ကုန်စောင့်ကြည့်အဖွဲ့တည်ထောင်သူ)

အတိုင်ပင်ခံရုံး ထုတ်ပြန်ချက် ငြိမ်းချမ်းရေးဖြစ်စဉ်ကို အထောက်အကူပြုနိုင်သလား ၂၈ ဧပြီ ၂၀၂၀ ရက္ခိုင့်တပ်တော်(AA)သည် ရခိုင်ပြည်နယ်နှင့်ချင်းပြည်နယ်အတွင်း အဖျက်၊ အမှောင့်လုပ်ရပ်များ လုပ်ဆောင် နေသဖြင့် ပြည်သူလူထု၏ အသက်၊ အိုးအိမ်၊ စည်းစိမ်ကို ထိန်းသိမ်းကာကွယ်စောင့်ရှောက်နိုင်ရန်အတွက် အသက်စွန့်၍ တာဝန်ထမ်းဆောင်လျှက်ရှိသော တပ်မတော်သားအရာရှိ၊စစ်သည်များအားလုံးကို အသိ အမှတ်ပြု ချီးကျူးဂုဏ်ပြုသည်ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် လက်မှတ်ရေးထိုး၍ ဧပြီလ ၂၁ ရက်နေ့တွင် ထုတ်ပြန်ခဲ့သည်။ လက်နက်ကိုင်ပဋိပက္ခကြောင့် ဆင်းရဲဒုက္ခကြုံတွေ့နေရသည့် ဖြစ်ရပ်များမှ မိမိတို့ပြည်သူများကင်းဝေးနိုင်စေ ရန် အတွက် နိုင်ငံတော်အစိုးရက ကြိုးပမ်းဆောင်ရွက်လျှက်ရှိသော ငြိမ်းချမ်းရေး ဖြစ်စဉ်ကို အောင်မြင်သည်အထိ မမှိတ်မသုန် ဆက်လက်ကြိုးပမ်းဆောင်ရွက်သွားမည်ဟုလည်း ထုတ်ပြန်ချက်တွင်ဖော်ပြထားသည်။ ထိုထုတ်ပြန်ချက်နှင့်ပတ် သက်ပြီး နယ်ပယ်အသီးသီးပုဂ္ဂိုလ်များ၏ အမြင်များကို ယခုလို စုစည်းတင်ဆက်ထား ပါသည်။ စောမြရာဇာလင်း (ထိပ်ပိုင်းခေါင်းဆောင်) […]


အတိုင်ပင်ခံရဲ့ ထုတ်ပြန်ချက် စစ်ပွဲကို အားပေးနေသလား

၂၇ ဧပြီ ၂၀၂၀ ရခိုင်ပြည်နယ်နှင့် ချင်းပြည်နယ်အတွင်း တာဝန်ထမ်းဆောင်နေသော တပ်မတော်သား အရာရှိ၊ စစ်သည်များအားလုံးကို အသိအမှတ်ပြု ချီးကျူးဂုဏ်ပြုပါကြောင်း နိုင်ငံတော်အတိုင်ပင်ခံပုဂ္ဂိုလ်ရုံး၏ ဧပြီ ၂၁ ရက်ထုတ်ပြန်ချက်နှင့် ပတ်သက်ပြီး ဝေဖန်မှုများစွာရှိနေသည်။ ယခုချိန်သည် မြန်မာနိုင်ငံ သာမက တစ်ကမ္ဘာလုံးတွင် Covid-19 ကူးစက်ရောဂါကို ကာကွယ်တိုက်ဖျက်နေချိန် တိုင်းရင်းသား ဒေသ ထိုးစစ် ပြုလုပ်နေမှုကို အားပေးနေသည်ဟု ပြောဆိုနေကြပါသည်။ ငြိမ်းချမ်းရေးကို အစဉ်တစိုက် စောင့်ကြည့် လေ့လာနေသူတွေဖြစ်တဲ့ နယ်ပယ်အလိုက်ကချင်ခေါင်းဆောင်တစ်ချို့ရဲ့ အမြင်သဘောတွေ ကို မေးမြန်း ထားပါတယ်။ သိက္ခာတော်ရ ဆရာ ခလမ်ဆမ်ဆွမ် (KBC ဥက္ကဌ) အခုလို ကျွန်တော်တို့ တိုင်းရင်းသားတွေနေတဲ့ နေရာမှာ ဒီလို နှိပ်စက် ၊ပစ်သတ်မှုတွေကို ကောင်း ကောင်း မလေ့လာဘဲ စစ်ပွဲဖြစ်နေမှုအပေါ် […]


“PPE ဝတ်စုံတွေ ၊ 95 တွေ ၊ Sodium Chloride တွေ ၊ အရက်ပျံ တွေ ၊ နေ့စဉ်အသုံးပြုနေတဲ့ Mask တွေကတော့ အရမ်းလိုအပ်နေတယ်” ဦးဟိန်းဝမ်(KIO၊ Covid-19 ကာကွယ်ရေး ကော်မတီ)

KIO နယ်မြေအတွင်း Covid-19 ကာကွယ်ရေး ကော်မတီ အတွင်းရေးမှူးနှင့် အင်တာဗျူး ၂၇ ဧပြီ ၂၀၂၀ ကချင်လွတ်လပ်ရေးအဖွဲ့ KIO ဗဟိုကော်မတီသည် Covid-19 တားဆီးရေး ကော်မတီဖွဲ့ပြီး အသစ်ဝင်လာသူများကို သီးသန့် Quarantine ထားပြီးစောင့်ကြည့်မှုများ ပြုလုပ်ခဲ့သည်။ ထို့အပြင် စောင့်ကြည့် သံသယလူနာများကို တရုတ်နိုင်ငံအစိုးရအကူညီဖြင့် ရောဂါပိုးစစ်ဆေးမှုများပြုလုပ်ခဲ့ သည်ကို သိရသည်။ KIO နယ်မြေများတွင် Covid-19 ကာကွယ်ရေး စီစဉ်ထားမှုနှင့်ပတ်သက်ပြီး ကော်မတီ၏ အတွင်းရေးမှူး ဦးဟိန်းဝမ်ကို တွေ့ဆုံမေးမြန်းထားပါသည်။ မေး။ ။ Covid-19 ရောဂါနဲ့ ပက်သက်ပြီး KIO ထိန်းချုပ်နယ်မြေအားလုံးမှာ ဘယ်လိုလုပ်ဆောင်နေတာ ရှိလဲ။ ဖြေ။ ။ Covid-19 ရောဂါကာကွယ်တိုက်ဖျက်ရေးကော်မတီကနေ အားလုံးကို အသိပေးကြေညာထားပြီ။ လောလောဆယ်တော့ ကျနော်တို့ လူတွေကို […]


“မူးယစ်ဆေးဝါးဖြန့်ဖြူးသူတွေက လူငယ်လူသစ်တွေကို ပထမအစပိုင်းမှာ ဆေးလုံးတွေလုံးဝမဝယ်ခိုင်းဘဲ အလကား Free ပေးသုံးစွဲတယ်၊ နောက်တဆင့်ပြီးတဆင့် လူငယ်တွေ ဆေးစွဲသွားတာ။ အကြွေးပေးသုံးတယ်၊ နောက်တော့ တဆင့်ခံဖြန့်ဖြူးရေးသမားတွေဖြစ်သွားတယ်” နိုင်တင်ရှိန် (NMSP)

မွန်ပြည်သစ်ပါတီ မူးယစ်ဆေးစွဲသူများကုသရေးနှင့် ပြန်လည်ထူထောင်ရေးစခန်းကော်မတီ ဥက္ကဌ နိုင်တင်ရှိန်နှင့် တွေ့ဆုံခြင်း ၂၇ ဧပြီ ၂၀၂၀ မူးယစ်ဆေးဝါးဟာ အန္တရယ်ဟာ ကမ္ဘာ့လူသားတိုင်းအပေါ် ကျရောက်နိုင်ပါတယ်။ မူးယစ်ဆေးဝါးထုတ်လုပ်ဖြန့်ဖြူးရာ အရပ်ဒေသနဲ့ မည်မျှပင် ‌ဝေးကွာနေစေကာမူ မူးယစ်ကုန်သည်တွေ၊ ရောင်းဝယ်ဖောက်ကားသူတွေရဲ့ အပြန့်ကျယ်မှုကြောင့် လူတွေရဲ့ အနီးကို ရောက်ရှိလာတတ်ပါတယ်။ မြန်မာနိုင်ငံဟာ မူးယစ်အန္တရယ်စက်ကွင်းထဲမှာ ရှိနေတယ်ဆိုတာ နိုင်ငံတော် သမ္မတရုံးရဲ့ မူးယစ်ဆေးဝါး ဖမ်းဆီးရမိမှုဆိုင်ရာ ထုတ်ပြန်ချက်တွေကို ကြည့်ရင် သိနိုင်ပါတယ်။ တိုင်းရင်းသား‌လက်နက်ကိုင်အဖွဲ့အစည်းတစ်ခုဖြစ်တဲ့ မွန်ပြည်သစ်ပါတီ(NMSP) ထိန်းချုပ်ရာ‌ဒေသမှာလည်း မူးယစ်အန္တရယ် မလွှတ်ကင်းသေးပါဘူး။ ယခု မွန်ပြည်သစ်ပါတီ မူးယစ်ဆေးစွဲသူများ ကုသရေးနှင့် ပြန်လည်ထူထောင်ရေးစခန်းကော်မတီ ဥက္ကဌ နိုင်တင်ရှိန်နဲ့ အင်တာဗျူးမှာ သူတို့ဒေသကို မူးယစ်ဆေးဝါးတွေ ဘယ်လိုရောက်ရှိလာသလဲ၊ ထိန်းချုပ်နိုင်မှုနဲ့ ပြန်လည်ထူထောင်ရေး အပိုင်းတွေ ဘယ်လိုရှိလဲ စတာတွေကို မြင်တွေ့ရမှာ […]


“လူ့အသက်ကယ်တဲ့ လုပ်ရပ်မျိုးတွေက ဒီ အပစ်ရပ် သဘောတူညီမှုကို ဘယ်လိုနည်းနဲ့မှ ချိုးဖောက်နေတယ်လို့မမြင်ဘူး” နော်ဝါးခူရှီး(KPSN ပြောရေးဆိုခွင့်ရှိသူ)

KPSN ပြောရေးဆိုခွင့်ရှိသူ နော်ဝါးခူရှီးနှင့် အင်တာဗျူး ၂၂ ဧပြီ ၂၀၂၀ ကိုရိုနာဗိုင်းရပ်စ်ပိုး(Covid-19) ထိန်းချုပ်ကာကွယ်ရေးအတွက် KNU ရဲ့ ဆောင်ရွက်ချက်တွေကို ပြည်နယ်အစိုးရအဖွဲ့ လုံခြုံရေးနဲ့ နယ်စပ်ရေးရာဝန်ကြီးက ကန့်ကွက်ခဲ့တယ်။ KNU ဟာ အစိုးရ၊ တပ်မတော်နဲ့ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA)ကို လက်မှတ်ထိုးထားတဲ့ အဖွဲ့ ဖြစ်ပါတယ်။ တစ်ဖက်မှာတော့ ပြည်နယ်အတွင်းရှိ KNU အပါအဝင် DKBAနဲ့ BGF တို့ရဲ့ ကိုရိုနာကာကွယ်ရေးလုပ်ဆောင်မှုတွေကို ကရင်ပြည်နယ်ဝန်ကြီးချုပ်ကိုယ်တိုင် အသိအမှတ်ပြုမှတ်တမ်းလွှာပေးပို့ခဲ့ပါတယ်။ ဆိုတော့ ကရင်ပြည်နယ်မှာ စစ်ငွေ့စစ်ရိပ်တွေ ရစ်သန်းလာနေသလား၊ ငြိမ်းချမ်းရေးပန်းတွေ ပွင့်လန်းလာနေမလားဆိုတာ စိတ်ဝင်စားဖွယ်ဖြစ်ပါတယ်။ ကရင်ပြည်နယ်အတွင်း အရေးအရာတွေနဲ့ ငြိမ်းရေးဖြစ်စဉ်ကို မျှော်တွေးကြည့်နိုင်ဖို့အတွက် ကရင်ငြိမ်းချမ်းရေးအထောက်အကူပြုကွန်ယက် (KPSN) ပြောရေးဆိုခွင့်ရှိသူ နော်ဝါးခူရှီးကို ဆက်သွယ်မေးမြန်းထားပါတယ်။ မေး- KPSNအနေနဲ့ မူတရော်(ဖာပွန်)ဒေသမှာ စစ်တပ်ရဲ့အသစ်တဖန် […]


“နေ့စားတွေလည်း အားလုံးရပ်ထားရတယ်ဆိုတော့ ရက်ရှည်လာမယ်ဆိုရင် စစ်ရှောင်စခန်းက လူတွေ စားဝတ်နေရေး ပိုပြီး ခက်ခဲသွားမယ်။ ကျန်းမာရေးလည်း ခက်ခဲသွားမယ်” ဇီးလွန် စစ်ရှောင်စခန်း တာဝန်ခံ

မြစ်ကြီးနားမြို့ ဇီးလွန်စစ်ရှောင် စခန်းတာဝန်ခံနှင့် ဆက်သွယ်မေးမြန်းချက် ၁၇ ဧပြီ ၂၀၂၀ Covid-19 ကူးစက်ရောဂါကြောင့် မြန်မာနိုင်ငံတွင် ကူးစက်အတည်ပြုလူနာစတင်တွေ့ရှိပြီးနောက် ကချင်ပြည်နယ်ရှိ စစ်ရှောင်စခန်းများတွင်လည်း အဝင်အထွက် စတင်ပိတ်ပင်ခဲ့သည်။ ထိုအထဲ မြစ်ကြီးနားမြို့ရှိ အိမ်ထောင်စု ၁၄၀ ခန့်နှင့် လူဦးရေ စုစုပေါင်း (၇၁၂) ဦး ခိုလှုံနေသော ဇီးလွန် စစ်ရှောင်စခန်း၏အခြေအနေအကြောင်း စခန်းတာဝန်ခံ ဒေါ်လုဆန်ကို ဆက်သွယ် မေးမြန်းထားပါသည်။ မေး။ ။ IDP Camp အတွင်း Covid-19 ရောဂါနဲ့ ပက်သက်ပြီး ဘယ်လို စီစစ်ဆောင်ရွက်နေလဲ။ ဖြေ။ ။ ကျမတို့ တံခါးပိတ်သော့ခတ်ထားတာ တစ်ပတ်ရှိပြီ။ နေစား လုပ်တာတွေကိုလည်း မထွက်ခိုင်းတော့ဘူး။ လူစုလူဝေးလည်း မသွားခိုင်းတော့ဘူး။ အဖွဲ့အစည်းတွေလာရင်လည်း အထဲမဝင်ခိုင်းတော့ဘူး။ ကူညီရေးတွေလာရင်လည်း စခန်းအပြင်ဘက်ကနေပဲ […]